Kjo fundjavë shënon një tjetër rekord të kalimeve në pikën e përbashkët kufitare të Morinës.
Që prej mëngjesit të kësaj të shtune në Pikën Kufitare të Morinës, janë krijuar radhë kilometrike .
Vetëm sot kanë hyrë në Shqipëri 10 mijë automjete me më shumë se 25 mijë qytetarë nga Kosova, të cilët vijnë për të kaluar fundjavën në bregdetin shqiptar, ndonëse jemi në javën e parë të shtatorit.
Si pasojë, Pika Kufitare e Morinës është detyruar të punojë me procedurë të përshpjetuar, për të bërë të mundur kalimin e qytetarëve kosovarë në Shqipëri.
