India e ka tejkaluar Brazilin si vendin e dytë me numrin më të lartë të rasteve të konfirmuara me Covid-19 pas raportimit të një një shifre të lartë prej 90,802 infeksioneve të reja ditën e hënë.
Numri i përgjithshëm i rasteve të Indisë tani qëndron në 4,204,613, sipas Ministrisë Indiane të Shëndetësisë dhe Mirëqenies së Familjes. Në krahasim me të, Brazili ka konfirmuar 4,137,521 raste, sipas Universitetit Johns Hopkins.
India është kombi i dytë më i populluar në botë, me 1.3 miliardë njerëz gjashtë herë më shumë se popullsia e Brazilit.
Që nga e hëna, India ka regjistruar 71,642 vdekje, shumë më poshtë se SHBA-ja me gati 189,000 viktima dhe Brazili me më shumë se 126,000 viktima.
Rritja e shpejtë e infeksioneve në Indi vjen pasi qeveria njoftoi një fazë të re të rihapjes javën e kaluar. Trenat e metrotë do të lejohen të lëvizin për herë të parë nga 7 shtatori ndërsa mbledhjet me më shumë se 100 persona do të lejohen në sporte, argëtim, ngjarje kulturore dhe fetare jashtë zonave të kuqe nga 21 shtatori.
Shkollat dhe kolegjet do të qëndrojnë të mbyllura deri në fund të shtatorit.
