Të humbasësh një të dashur gjatë pandemisë së koronavirusit mund të jetë veçanërisht e vështirë, por një burrë në Tenesi humbi nënën e tij dy javë para rastit të parë të raportuar në qarkun e tij.
Javën e kaluar, megjithatë, ai mori një letër që i tregonte se nëna e tij e ndjerë ishte testuar pozitive për COVID-19, një test që ajo dyshohet se e bëri në qershor, tre muaj pas vdekjes së saj.
Troy Whitington mori letrën nga Departamenti i Shëndetit të Qarkut Shelby (SCHD) javën e kaluar, njoftoi Newsweek.
Letra shpjegonte se nëna e tij ishte testuar në 20 qershor dhe duhet të izolohej për 10 ditë. Asgjë në letër nuk kishte kuptim, pasi Sandra Whitington vdiq nga COPD (sëmundja kronike obstruktive e mushkërive) më 16 shkurt – dy javë para se të zbulohej rasti i parë i COVID-19 në Qarkun Shelby.
“Thjesht e kam të vështirë të kuptoj se si ata mund të thonë se dikush ka COVID-19 kur ata nuk janë as gjallë.” – i tha Troy, WATN.
“Kanë kaluar 6 muaj, gati 7, që kur ajo ndërroi jetë. Nuk kishte asnjë testim që ishte bërë në atë kohë.” – shtoi Whitington.
