Presidenti i SHBA-ve Donald Trump ka lajmëruar se Bahreini dhe Izraeli kanë rënë dakord për marrëveshjen e paqes mes tyre.
Njoftimin Trump e ka bërë në rrjetet sociale duke e quajtur një zhvillim historik.
“Një tjetër zhillim historik sot! Dy miqtë tanë të mëdhenj, Izraeli dhe Mbretëria e Bahreinit ranë dakord për marrëveshjen e Paqes-vendi i dytë arab që bën paqe me Izraelin në 30 ditë”-shkruan Trump.
Bahreini është vendi i dytë Arab që firmos një marrëveshje paqeje me Izraelin në ditët e fundit pasi edhe Emiratet e Bashkuara Arabe firmosën një marrëveshje të tillë që në rajonin e Lindjes së Mesme është historike pas dekada konflikte në atë rajon që me krijimin e Izraelit si shtet i pavarur.
