Një 31-vjeçar nga Tirana ka mbetur i plagosur me armë zjarri në Lushnjë.
Ngjarja ka ndodhur në Fier Shegan, ku i riu dyshohet se është plagosur pas një konflikti të çastit.
Ai është dërguar në spital ku është jashtë rrezikut për jetën. Sipas bluve të Lushnjës, ka nisur aksioni për kapjen e autorëve.
Njoftimi
Në fshatin Fiershegan, Lushnjë, dyshohet se pas një konflikti të çastit, ka mbetur i plagosur me armë zjarri shtetasi M. A., 31 vjeç, banues në Tiranë, i cili aktualisht ndodhet në spitalin e Lushnjes, nën kujdesin e mjekëve, jashtë rrezikut për jetën. Shërbimet e Policisë me marrjen e njoftimit kanë shkuar menjëherë në vendngjarje, kanë rrethuar zonën si dhe janë ngritur pika kontrolli për të bërë të mundur kapjen e autorëve, të cilët janë larguar nga vendngjarja. Grupi hetimor ndodhet në vendngjarje dhe nën drejtimin e Prokurorisë vijon puna për sqarimin e rrethanave të ngjarjes, identifikimin dhe kapjen e autorëve.
