Një plagosje me armë ka ndodhur në qytetin e Durrësit pasditen e sotme.
Të plagosur kanë mbetur shtetasit me iniciale H.B dhe M.B babë e bir.
Ndërkohë policia ka identifikuar autorin e dyshuar i cili është shtetasi A.Ll.
Plagosja dyshohet se ka ndodhur sipasojë e një konflikti të çastit.
Njoftimi i plotë:
Plagosi me armë zjarri dy shtetas pas një konflikti te çastit, Policia identifikon autorin edhe po vijon krehja e zonës për kapjen e tij.
Më datë 14.09.2020, rreth orës 17:45, në lagjen nr.14, Durrës, dyshohet se pas një konflikti të çastit, kanë mbetur të plagosur me armë zjarri shtetasit H.B. dhe M.B., (babë e birë), të cilët ndodhen në spital nën kujdesin e mjekëve, jashtë rrezikut për jetën
Shërbimet e Policisë kanë shkuar menjëherë në vendngjarje dhe falë veprimeve të shpejta hetimore kanë bërë identifikimin e autorit të dyshuar shtetasi A.Ll., i cili ndodhej nën efektin e alkoolit dhe pas plagosjes është larguar nga vendngjarja.
Policia ka rrethuar zonën dhe vijon krehja e saj për kapjen e autorit.
