Policët në Haiti kanë dalë në rrugët e kryeqytetit, Port-au-Prince, për të bërë thirrje për lirimin e një kolegu që sipas tyre është burgosur në mënyrë të paligjshme.
Ata kanë paralizuar kryeqytetin, ndërsa u vunë flakën e automjeteve dhe u përleshën me forcat e sigurisë.
Shumë oficerë nga Policia Kombëtare e Haitit, të veshur me rroba civile, u mblodhën me mbështetësit në Port-au-Prince të hënën për të kërkuar që qeveria të lirojë Jean Pascal Alexandre, një oficer i arrestuar në maj me akuzat e vrasjes, vandalizmit, shkatërrimit të pronës publike dhe cënimi i sigurisë së shtetit.
Pamjet e skenave kaotike në kryeqytetin Haiti u kapën nga agjencia e lajmeve RT Ruptly, duke treguar protestuesit që u vinin zjarrin automjeteve dhe gomave në rrugë e duke ngritur barrikada të improvizuara.
“Ne jemi jashtë për kërkesën tonë për të liruar kolegun tonë, i cili u arrestua ilegalisht.” – u tha gazetarëve një oficer me uniformë që përfaqësonte protestuesit në vendin e demonstratës.
“Nëse gjërat shkojnë keq, qeveria është përgjegjëse për situatën. Ne do të qëndrojmë jashtë derisa të lirohet Pascal Alexandre.” – shtoi ai.
Shumë prej demonstruesve besohet se i përkasin grupit disident të policisë ‘Fantom 509’, që u emërtua si organizatë terroriste në fillim të këtij viti pas sulmeve ndaj disa ministrive në vend.
