Presidenti amerikan Donald Trump është shprehur i zhgënjyer ndaj republikanëve ditën e hënë, pasi sipas tij kanë dështuar të ndjekin penalisht demokratët për ato që ai i konsideron krime të dukshme.
Trump foli për djalin e rivalit të tij Joe Biden, Hunter, duke thënë se ai ka përfituar nga ndikimi i babait të tij në kompani të huaja si Ukraina, dhe më pas babai i tij u mburr se ai detyroi pushimin nga puna të një prokurori ukrainas.
“A ndodh ndonjë gjë? Asgjë nuk ndodh. Unë jam aq i zemëruar me republikanët. Unë jam. Jam shumë i zemëruar”- vazhdoi Trump, citon Breitbart.
Trump gjithashtu vuri në dukje se Biden dhe ish-Presidenti Barack Obama spiunuan fushatën e tij presidenciale.
“Është tradhti. James Comey dhe të gjithë ata njerëz të neveritshëm, spiunuan fushatën time dhe ne i kapëm ”, tha Trump. “Le të shohim se çfarë do të ndodhë.”
Trump shtoi se kishte ende disa shpresa se ata do mbanin përgjegjësi, ndërsa theksoi se do të vazhdojë të qëndrojë larg hetimeve dhe ndjekjeve të Departamentit të Drejtësisë.
