Greqia tha të mërkurën se ende pret që Bashkimi Evropian të përgatisë sanksionet kundër Turqisë, pavarësisht se dy anëtarët e NATO-s, kanë rënë dakord të rinisin bisedimet mbi kufijtë detarë, të drejtat e energjisë dhe mosmarrëveshjet e tjera.
Krerët e 27 vendeve të BE-së pritet të rishikojnë propozimet për vendosjen e sanksioneve ndaj Turqisë në samitin e tyre të ardhshëm, i cili ishte planifikuar fillimisht për këtë javë dhe është shtyrë deri në 1-2 tetor.
Zëdhënësi i qeverisë greke, Stelios Petsas, tha se ai pret që vendet anëtare të miratojnë disa propozime, por ai i tha televizionit shtetëror ERT: “Pyetja është se si do të aktivizohen ato sanksione në rastin e mosrespektimit nga ana e Turqisë, sepse ne nuk jemi mësuar të duke parë BE-në që të operojë në një rrugë shumë të shpejtë.”
Greqia dhe Turqia u përfshinë në një situatë të tensionuar ushtarake në Mesdheun lindor më herët këtë muaj, pasi qeveria turke dërgoi një anije për kërkimin e hidrokarureve, të shoqëruar nga një anije luftarake.
Të dy vendet kanë rënë dakord që të bisedojnë lidhur me mosmarrëveshjen në fjalë.
