Është publikuar në SHBA libri që pretendon se tregon mënyrën sesi kompanitë e mëdha teknologjike për të ndërhyrë në zgjedhjet e ardhshme presidenciale kundër presidentit amerikan, Trump.
Autori Allum Bokhari, i cili ka punuar në shkuarën për Google dhe ka përfshirë në libër dëshmi të personave që kanë punuar për Google, Facebook, Twitter, Youtube etj, pretendon të tregojë sesi kompanitë e lartpërmendura do ndërhyjnë në zgjedhjet e 3 nëntorit.
“Kur votuesit të zbulojnë se çfarë kanë bërë kompanitë e mëdha teknologjike për të ndërhyrë në zgjedhjet e ardhshme, ata do të jenë me të drejtë të zemëruar.” – tha një punonjës i Google i intervistuar për librin.
Bokhari, autor i librit ‘#DELETED’, ka kaluar katër vjet duke zhvilluar një rrjet të informatorëve në Silicon Valley. Në libër, këto burime tregojnë historinë e brendshme se si kompanitë teknologjitë më të fuqishme të informacionit janë ‘armatosur’ kundër Presidentit Trump dhe lëvizjes së tij.
Përmes këtij rrjeti burimesh, Bokhari tashmë ka botuar një numër historish shpërthyese që ekspozojnë paragjykimin e shfrenuar anti-konservator të Big Tech, duke përfshirë:
- ‘Google Tape’, një regjistrim 1 orë i bashkëthemeluesve dhe drejtuesve të Google që ankohen për zgjedhjen e Trump dhe zotohen të mos e lejojnë atë të ndodhë më.
- ‘Censurimi i mirë’, një dokument ekskluziv nga Google që pranon një ‘ndryshim drejt censurës’ nga ana e kompanive të mëdha të teknologjisë.
- ‘Manipulimi i fshehtë i kërkimit të YouTube’, në të cilin videot pro-jetës dhe të tjera konservatore u fshehën qëllimisht në rezultatet e kërkimit në përgjigje të ankesave nga gazetarët e majtë.
- ‘Lista e Agjentëve të Urrejtjes’ së Facebook’, në të cilën Candace Oëens, Brigitte Gabriel dhe konservatorë të tjerë të lartë u shtuan në një listë mbikëqyrjeje të brendshme që mbante gjurmët e aktiviteteve të tyre politike për shembuj të ‘urrejtjes’.
Libri zbulon gjithashtu se si elitat në organizatat progresive të avokatisë dhe media u bashkuan me punonjësit më radikalë të Big Tech për të bërë presion për censurimin e platformave të mediave sociale, duke i dhënë fund një epoke të lirisë së paparë të internetit.
Përgatiti për Hashtag.al, Klodian Manjani
