Ministria e Punëve të Brendshme nuk ia ka pranuar kërkesën për lejeqëndrim në Kosovë shtetasit amerikan, Tienmu Ma i cili ka mbajtur detyrën e këshilltarin të Albin Kurtit.
Këtë e ka konfirmuar për Gazetën Express, Shef i Kabinetit të Ministrit të Punëve të Brendshme, Bajram Gecaj.
“Komisioni ka pru vendim që nuk i ka plotësu kushtet për ta marrë lejeqëndrimin, në bazë të rregullave. Vendimi del nesër, ose këto ditë”, ka thënë Gecaj.
Tienmu Ma ka qenë këshilltar i ish-kryeministrit Albin Kurti dhe ka nënshtetësi amerikane.
Nuk dihen arsyet pse nuk i është pranuar kërkesa për lejeqëndrim, vetëm se Gecaj thotë se komisioni që bën vlerësimin se a duhet t’i jepet lejeqëndrimi një shtetasi të huaj, ka gjetur se Ma nuk i ka plotësuar kërkesat e nevojshme.
