Policia franceze ka nisur hetimet pasi një grua në Strasburg tha se ishte sulmuar në mes të ditës, për shkak se kishte veshur një fund.
Studentja 22-vjeçare e identifikuar vetëm si Elisabeth, tha se ajo ishte qëlluar me grusht në fytyrë nga tre individë që u ankuan ose ajo kishte veshur një fund.
Qeveria franceze e ka denoncuar incidentin si të papranueshëm. Në një intervistë për radion France Bleu Alsace, Elisabeth tha se po shkonte në shtëpi kur njëri nga tre burrat tha: “Shikoni atë kurvën me fund”.
Dy nga tre burrat më pas e mbajtën, ndërsa i treti e goditi në fytyrë, duke e lënë me një sy të zi. Ata më pas u larguan. Kështu të paktën ka dëshmuar vajza e re në polici.
22-vjeçarja tha se më shumë se dhjetë njerëz ishin dëshmitarë të incidentit, por askush nuk ndërhyri. Ministrja e deleguar për çështjet e shtetësisë, Marlene Schiappa, e cila më parë ka qenë e ngarkuar me çështjet e barazisë gjinore, vizitoi qytetin lindor për të diskutuar sigurinë e grave në publik.
Ajo tha se “fundi nuk është përgjegjës për sulmin dhe gruaja aq më pak”.
“Një grua nuk goditet kurrë sepse vesh një fund. Një grua goditet sepse ka njerëz që janë misogynistë, seksistë, të dhunshëm dhe që thyejnë çdo ligj dhe çdo rregull civilizimi.
Është një ngarkesë e madhe mendore kur jeni student dhe duhet të mendoni për veshjen që duhet të vishni dhe mesazhin që ajo dërgon.”-tha ministrja Schiappa, citon BBC.
Ajo gjithashtu u bëri thirrje njerëzve të thërrisnin policinë nëse ata ishin dëshmitarë të ndonjë incidenti të ngacmimit në rrugë kundër grave në një hapësirë publike.
