Sulmuesi i Milanit, Zlatan Ibrahimovic është bërë ylli i fundit sportiv që është prekur nga Covid-19, por në një deklaratë tipike të suedezit, ai ka paralajmëruar virusin se është një ‘ide e keqe’ ta sfidosh lojtarin.
Milan konfirmoi lajmin në një deklaratë zyrtare të enjten, duke deklaruar se sulmuesi 38-vjeçar do të humbasë ndeshjen e UEFA Europa League në shtëpi me Bodo / Glimt të enjten dhe është vendosur në karantinë në shtëpi.
Ibrahimoviç shkroi në mediat sociale menjëherë pasi titujt filluan të qarkullonin në mediat sportive dhe lëshoi një deklaratë të shkurtër dhe tipike sfiduese në reagim të daljes pozitiv me koronavirus.
“Unë dola negativ dje dhe pozitiv sot me covid-19. Asnjë simptomë. Covid kishte guximin të më sfidonte. Ide e keqe.” – shkroi ai në Twitter.
