Project Veritas ka publikuar rezultatet e një hetimi ku pretendon se njerëz të afërt me kongresmenen demokrate Ilhan Omar janë kapur duke vjedhur vota në Minesota, një shtet kyç i lëkundur në zgjedhjet presidenciale të vitit 2020.
Pamjet video të kapura nga Project Veritas tregojnë një person, Liban Mohamed, që mburret për mbledhjen e qindra fletëve të votimit.
“Numrat nuk gënjejnë. Numrat nuk gënjejnë. Ju mund ta shihni se makina ime është plot. Të gjitha këto këtu janë fletëvotime që mungojnë. Nuk po shihni? Shikoni të gjitha këto; makina ime është plot.” – mund të dëgjohet të thotë Mohamed.
Videoja përfshin gjithashtu dëshmi nga një informator i brendshëm, Omar Jamal, i cili e quajti operacionin e prerenduar të vjedhjes se votave nga kongresmenia Ilhan Omar, një ‘sekret i hapur’ dhe diskutoi një skemë ‘para në këmbim të votave’ të organizuar nga anëtarë të stafit të kongresmenes, Omar.
“Ajo do të bëjë gjithçka që mund të bëjë për t’u zgjedhur dhe ajo ka qindra njerëz në rrugë që e bëjnë këtë.” – tha Jamal.
James O’Keefe, themeluesi dhe CEO-ja i Project Veritas, tha: “Vjedhja e votave është e vërtetë dhe është bërë një biznes i madh. Hetimi ynë mbi këtë rrjet të manipulimit të fletëve të votimit tregon qartë se si këta operatorë të paskrupullt shfrytëzojnë të moshuarit dhe komunitetet e emigrantëve – dhe e kanë kthyer kutinë e shenjtë të votimit në një tryezë të tregtimit të mallrave.”
O’Keefe shtoi: “Ne po u tregojmë amerikanëve se çfarë po ndodh me të vërtetë në një nga qytetet tona të mëdha. Nuk jam unë që e them, ne kemi operativët në kasetë duke i thënë të gjitha vetë.”
Project Veritas tha se hetimi i tij gjeti tre vende brenda Lagjes 6, një vend për manipulimin e votave, ku skema operon në apartamentet Riverside Plaza, në komunitetin e të moshuarve në Horn Towers dhe zyrën e Zgjedhjeve dhe Shërbimeve të Votuesve të Minneapolis në 980 E. Hennepin Ave. , i cili gjithashtu funksionon si një vend votimi dhe vend i dorëzimit të votave në mungesë.
Jared Edge, zyrtari kryesor ligjor për Project Veritas, tha se Mohamed dhe mbledhësit e tjerë të votave mund të përballen me ndëshkime të rënda për shkeljet e tyre të pretenduara të ligjit.
“Ligjet federale, 18 USC 97597 dhe 52 USC §10307 (c), janë mjaft të qarta” – tha ai.
“Në rastin e 18 USC 97597, dënohet me deri në dy vjet burg dhe në rastin e 52 USC 3010307 dënohet me deri në 10,000 dollarë gjobë dhe deri në pesë vjet burg.”
Statuti i Minesotës 211B.13 (1) ndalon pagimin e një personi ose marrjen e parave për t’u regjistruar për të votuar ose për të votuar, tha ai. “Ky është një krim shtetëror i dënueshëm me më shumë se një vit burgim.”
Përtej pagimit të votuesve, ka gjithashtu ligje shtetërore dhe federale në lidhje me frikësimin e votuesve, tha ai.
“Ligjet federale 52 USC §20511, 18 USC §594 dhe 52 USC §10307 (b) dhe statusi i Minesotës 211B.07 ndalojnë ndokënd nga përdorimi i ndikimit të padrejtë, kërcënimeve, frikësimit ose mashtrimit për të ndikuar në votën e një personi ose për të ndikuar që ata të mos votojnë fare.” – tha ai.
