Policia greke ka nisur një hetim penal për dhjetra punonjës të huaj që jepnin ndihma humanitare në ishullin e Lesbos, pasi dyshohen se kishin lidhje me trafikantë njerëzish, duke shpërndarë migrantë të paligjshëm në Greqi nga Turqia.
Policia tha se 35 persona të lidhur me organizata joqeveritare ishin nën hetim për ofrimin e mbështetjes për trafikantët që transportonin migrantë në ishull. Punëtorët dhanë informacione mbi aplikacionet e koduara të mesazheve në pikat e mbledhjes në bregun turk dhe koordinatat gjeografike të zonave të uljes, sipas policisë.
“Një hetim paraprak nga Prokuroria është duke u zhvilluar. Ne kemi identifikuar personat e përfshirë ”, tha një zyrtar i policisë për Reuters pa dhënë detaje të tjera.
Policia studioi aktivitetet e tyre për disa muaj përpara se të nxirrte në përfundim se, nën maskën e punës humanitare, të dyshuarit në të vërtetë po bashkëpunonin me trafikantë të cilët po kontrabandonin migrantë në vend.
Ata përdorën aplikacione të koduara për të siguruar informacion mbi pikat e mbledhjes në bregun turk, koordinatat gjeografike të vendeve të uljes, zonat e akomodimit në kampin e refugjatëve Moria dhe më shumë, sipas policisë.
“RT” shkruan se kjo skemë u përdor në të paktën 32 raste që nga qershori i kaluar dhe u panë mijëra njerëz që hynë ilegalisht në Greqi.
“Një hetim është duke u zhvilluar për të përcaktuar shkallën e plotë të veprimtarisë së paligjshme të organizatës kriminale dhe lidhjet e saj”– tha policia.
Stafi i OJQ-së së hetuar përfshinte qytetarë të Gjermanisë, Zvicrës, Francës, Spanjës, Austrisë, Norvegjisë, Bullgarisë, si dhe Iranit dhe Pakistanit, sipas raporteve të mediave greke.
Kampi Moria në Lesbos ishte më i madhi në kontinent, duke pritur më shumë se 12,000 njerëz, para se të shkatërrohej nga zjarri në fillim të këtij muaji. Autoritetet greke tani po punojnë për të zhvendosur migrantët në një kamp të përkohshëm çadrash.
