Nënkryetari i grupit parlamentar të CDU/CSU-së në Bundestagun gjerman, Johann David Wadephul, i ka bërë thirrje Shqipërisë që të arrijë konsenus në Këshillin Politik për reformën zgjedhore.
Ai e bëri deklaratën për DW, pas takimit në Berlin me Ministrin e Jashtëm në detyrë, Cakaj.
Sipas Wadephul, Gjermania e mbështet Shqipërinë për plotësimin e gjashtë kushteve të vëna nga Bundestagu, duke shtuar se ka ende shumë punë për të bërë.
Nënkryetari i CDU/CSU-së bëri thirrje për përfshirjen e OSBE/ODIR-it në vlerësimin e ndryshimeve që do arrihen në Këshillin Politik për listat zgjedhore.
“Kthejuni konsensusit në Këshillin Politik. Dhe jepini ODIHR-it mundësinë që të vlerësojë ndryshimet që do të arrihen në Këshillin Politik për listat zgjedhore. Vetëm nëse thotë ODIHR-i se reforma zgjdhore është në përputhje të plotë me kriteret e OSBE/ODIHR-it, atëherë edhe ne do ta kemi të lehtë që të themi se është plotësuar edhe kushti i reformës zgjedhore.” – tha Wadephul, shkruan DW.
