Para më shumë se një muaji, këngëtari John Legend dhe modelja Chrissy Teigen zbuluan përmes një videoklipi se prisnin ardhjen në jetë të fëmijës së tyre të tretë.
Mirëpo fatkeqësisht Teigen e ka humbur foshnjën. The Guardian shkruan se modelja është dërguar në spital disa ditë më parë për shkak të komplikacioneve, pasi kishte hemoragji.
Ajo tani është mirë, por për fat të keq e ka humbur foshnjën.
Modelja ka publikuar një foto të sajën nga spitali në ngjyrë bardhë e zi, ku shihet duke qarë.
“Jemi shumë të hidhëruar nga një dhimbje për të cilën deri tani vetëm kemi dëgjuar, një dhimbje e pa provuar më parë”, shkruan ajo krahas fotos.
Ajo vazhdon: “Mjekët nuk mundën dot të ndalojnë hemoragjinë dhe t’i jepnim fëmijës sonë lëngjet që ai kishte nevojë, pavarësisht transfuzionit të gjakut që bëmë. Nuk ishte e mjaftueshme kjo gjë”.
Çifti u martua në vitin 2013 pas 6 vitesh lidhje së bashku dhe kanë dy fëmijë, Luna Dhe Mile. Në muajin gusht, John Legend publikoi këngën e tij më të re “Wild”, në videoklipin e së cilës e shoqja tregonte barkun e rrumbullakosur.
“Nuk i kemi vendosur kurrë për emrat e fëmijëve tanë përpara, deri në momentin që ata kanë lindur. Por këtë herë çuditërisht kishim filluar ta quanim Jack fëmijën që kisha në bark. Për ne do të jetë gjithmonë Jack. Jack bëri gjithçka për të qenë pjesë e familjes tonë të vogël dhe do të jetë gjithmonë pjesë e saj. Për Jack-un tonë, jam kaq e hidhëruar, që nuk kam mundësi të të jap shtëpinë që kishe nevojë për të jetuar. Do të të duam gjithmonë”, shkruan Teigen mes të tjerash.
