Një person ka humur jetën në vend lidhur me koronavirusin, sipas deklaratës së Ministrisë së Shëndetësisë.
Viktima është një 75-vjeçar nga Tirana që ka ndërruar jetë në spitalin ‘Shefqet Ndroqi’.
Nga 1085 testime të kryera janë zbuluar 159 raste të reja ndërsa është rritur numri i personave në terapi intenstive krahasuar me ditën e djeshme.
Për sa u përket pacientëve të shtruar në spital, 202 persona po marrin mjekimin në dy spitalet covid, me 23 në terapi intensive nga të cilët 7 janë të intubuar.
