Ministrja e Arsimit, Sportit dhe Rinisë, Evis Kushi, tregoi në një intervistë për emisionin “Kjo Javë” në News 24 se kush ia propozoi postin më të rëndësishëm në sistemin arsimor.
Kushi iu përgjigj pyetjes së gazetares se ka qenë vetë Kryeministri i cili e ka thirrur dhe i ka propozuar për drejtimin e Ministrisë së Arsimit.
“Kryeministri. Më thirri dhe më propozoi këtë gjë. Për mua është një privilegj i madh, si pedagoge, si mësuese. Nuk ka një privilegj më të madh se ky. Është privilegj shumë i madh. Dhe një ditë të jesh ministre e Arsimit është privilegj i lartë. Elbasani ka një traditë të trashëguar brez pas brezi në fushën e arsimit”-tha Kushi.
