Presidenti i Shteteve të Bashkuara, Donald Trump, ka thënë se po ndihet mirë, teksa po lufton me koronavirusin.
Numri një i Amerikës është dërguar në spital ushtarak, pasi ka rezultuar pozitiv me Covid-19, një ditë më parë.
“Mjekët, infermierët dhe të gjithë në Qendrën madhështore Mjekësore “Walter Reed”, dhe të tjerët nga institucionet tjera të mahnitshme që i janë bashkuar atyre, janë të mrekullueshëm! Përparim i jashtëzakonshëm është bërë gjatë 6 muajve të fundit në luftën kundër këtij virusi. Me ndihmën e tyre, po ndihem mirë!”- ka shkruar presidenti amerikan.
