Përfaqësuesi i PD-së më Këshillin Politik, Bylykbashi, i është kthyer sërish çështjes së formulës së koalicioneve.
Pas deklaratës së djeshme të Gjiknurit të PS-së, i cili tha se formula e propozuar nga opozita nuk ka lidhje me formulën që përdor Italia, Bylykbashi ka sqaruar se Italia përdor të njëjtin sistem.
Sipas tij, Italia e përdor këtë formulë koalicionesh si në parlamentin kombëtar ashtu edhe në këshillat bashkiakë.
“Broçkullat qe sistemi Italian nuk eshte i njejte me ate shqiptar i thua vetem kur je ne hall. Tani u mbetet vetem te thone qe italianet nuk jane njesoj me shqiptaret. Kur je ne hall thua edhe te fundit, pa t’u skuqur fytyra. Kur kerkuan nje vend europian ku perdoret koalicioni me liste te perbere sic e ka Shqiperia, ia treguam. Eshte Italia, vendi qe e perdor aktualisht per zgjedhje per parlamentin kombetar, per parlamentet rajonale si Lombardia, Lazio, Puglia, Sicilia etj ku votojne me shume zgjedhes seç ka banore Shqiperia, por e perdor edhe per keshillat bashkiake te Romes, Milanos, Bolonjes, Firences, etj ku votojne me shume zgjedhes seç votojne ne Shqiperi. Italia eshte vendi i madh europian nga ku e kemi marre kete model te mirenjohur, me konsensus PS-PD qe ne vitin 2003.” – shkruan Bylykbashi.
Më tej demokrati sqaron se parlamentet lokale në Itali përdorin të njëjtin sistem votimi që propozon opozita, duke shtuar në fund se pavarësisht trukeve që po përpiqet të përdorë kryeministri Rama, asnjë sistem nuk do e shpëtojë nga humbja e thellë që e pret.
“Kur genjyen se koalicioni me liste te perbere nuk perdoret dot me listat e hapura, ia provuam publikisht qe genjejne. Italia i zgjedh “parlamentet” lokale te Romes, Milanos, Bolonjes apo Firences me votim proporcional me lista te hapura ku zgjedhesi ka te drejte te votoje dy kandidate nga lista e partise se koalicionit. Partite italiane ne keto zgjedhje parlamentesh lokale lidhen ne koalicion njesoj si ne Shqiperi, por ruajne identitetin duke garuar secila me listen e vet te hapur te kandidateve.
Zgjedhesit italiane kane te drejte te zgjedhin kandidatin qe duan tek lista e partise se koalicionit. Thane qe me koalicionin sic e kemi ne, me liste te perbere, fleta e votimit behet shume e komplikuar. Por ja qe Italia e ka zgjidhur. Zgjidhjen me nje flete te thjeshte votimi e kemi demonstruar edhe ne prej disa muajsh. Sisteme demokratike ne Europe ka plot, por nuk ka sistem qe ta shpetoje Ramen nga humbja e thelle qe e pret!” – mbyll reagimin Bylykbashi.
