Kreu i Shtetit Ilir Meta, në një intervistë për “Ora News” në emisionin Tempora ka bërë një deklaratë të papritur, duke theksuar se ai do luftojë me çdo mënyrë Kryeministrin Edi Rama.
I pyetur nëse do të shkojë në cilësinë e presidentit, Meta tha se do të shkojë dhe në cilësi të tjera.
“Do ta luftoj Edi Ramën. Siç lufton ai me lloj poshtërsish. Dhe në parlamentin e ardhshëm do të shkoj dhe do të bëj një seancë me dyer të mbyllura.”- tha Meta.
Meta u pyet nëse do shkonte në parlament në cilësinë e presidentit?
Ai u përgjigj: “Në cilësinë e presidentit edhe në cilësi të tjera. Opozita e ka të domosdoshme të jetë shumë herë më i përgatitur. Sepse opozita dhe për meritë të zotit Rama se sot është politikani më i urryer në Shqipëri. 2 në 3 socialistë e urrejnë”.
