Komisioneri për Fqinjësinë dhe Zgjerimin Olivér Várhelyi në konferencën për raportin e vlerësimit për vendet aspirantë për në BE në fjalën e tij për Shqipërinë theksoi se Gjykata Kushtetuese duhet të jetë funksionale përpara Konferëncës së parë Ndërqeveritare.
Varhelyi më tej inkurajoi palët që të vijojnë punën që gjykata të bëhet funksionale.
“Kushti që ne kemi në përfundimet e Këshillit që hapin rrugën për negociatat e bën shumë të qartë që duhet një Gjykatë Kushtetuese funksionale përpara Konferencës së parë Ndërqeveritare. Inkurajojmë të dyja palët që të vijojnë punën që Gjykata të bëhet funksionale”- deklaroi Várhelyi.
