Ish-deputeti i Partisë Demokratike, Enkelejd Alibeaj ka përgënjeshtruar deklaratën e deputetit socialist Alekt Hyseni se PD-ja e kishte ndihmuar në mbledhjen e votave për votimin e Kodit Zgjedhor.
Alibeaj thotë se ndryshimet e Kodit Zgjedhor kanë vetëm firmën e pazarit të Ramës dhe deputetëve të tij të blerë si nga opozita dhe mazhoranca.
“Është për të ardhur keq sesi PS është zhytur në llum dhe ka prekur fundin. Sajesat e Alket Hysenit, i akuzuar për vjedhjen e tokave në bregdet, nuk e shpëtojnë dot Edi Ramën. Ndryshimet e njëanshme në Kodin Zgjedhor janë kundër interesit të qytetarëve.
Ato kanë vetëm firmën e pazarit të qelbur të Edi Ramës dhe deputetëve të tij të blerë brenda dhe jashtë PS. Ky kokteil korrupsioni do të marrë fund më 25 prill!”-shkruan Alibeaj.
