Deputeti Kujtim Gjuzi ka publikuar një foto të pazakontë në rrjetet sociale, ku shfaqet duke mbajtur në duar një armë snajper.
Ai tregon se foton e ka realizuar në Lin të Pogradecit. Ky postim ka tërhequr vëmendjen e komentuesve, njëri prej të cilëve i sugjeron ta marrë armën dhe në Parlament.
Gjuzi i është përgjigjur komentuesit se kjo nuk lejohet, por në Parlament do marrë një armë tjetër – një stilolaps.
“Nuk lejohet në Parlament me hy me armë snajper por edhe mundet të hyjmë me ndonjë armë tjetër siç është stilolapsi, i cili vret më shumë sipas Frashëllinjëve. Nuk vrasin konservatorët njerëz mik nuk vrasim, jemi disi paqësorë”, ia kthen Gjuzi komentuesit.
Publikimi i fotove të tilla me armë është një gjest që shumica e politikanëve përpiqet ta shmangë, por mesa duket Gjuzi si për shumë gjëra të tjera përbën një përjashtim.
