Pa sukses ka përfunduar takimit mes naftëtarëve të Ballshit e përfaqësuesve të kompanisë, që pretendon se administrin uzinën e përpunimit të naftës.
Sipas naftëtarëve, përfaqësuesit e kompanisë kanë bërë premtime boshe dhe nuk kanë ofruar asnjë zgjidhje për pagat e prapambetura të naftëtarëve dhe për rifillimin e punës.
Sipas kreut të Sindikatës së Naftëtarëve, Sokol Dautja, greva e urisë do vijojë e po kështu edhe protesta para uzinës e në qytetin e Ballshit.
Naftëtarët kanë theksuar se takimet me përfaqësuesit e kompanisë synojnë prishjen e grevës së tyre dhe ndaljen e protestave. Ata kanë lajmëruar se nuk do ndalen deri sa të marrnin zgjidhje për kërkesat e tyre.
Naftëtarët e Ballshit kanë më shumë se dy javë në grevë urie ndërsa sot u futën në mjediset e uzinës. Ata kërkojnë pagat e prapambetura prej shumë muajsh si dhe rifillimin e punës në uzinë.
