Ministria e Jashtme reagon për emërtimin grek të lumit Vjosa në "Google Maps"

Ministria Për Evropën dhe Punët e Jashtme e drejtuar nga Gent Cakaj, ka reaguar lidhur me emërtesën e gabuar të lumit Vjosë në hartën e “Google”-it.

Sipas njoftimit për media nga ky institucion, kompania Google i është përgjigjur pozitivisht për rregullimin e 41 pasaktësive të publikuara në platformat Google Map dhe Google Earth, lidhur me emërtesat gjeografike të relievit shqiptar, të cilat bien ndesh me hartën e Republikës së Shqipërisë.

Deri më tani thuhet se është bërë i mundur korrektimi i 40 emërtesave gjeografike në territorin tonë, ndërsa vijojnë diskutimet për korrigjimin e emrit të lumit të Vjosës, që për momentin njihet si “Lumi i Sarandoporos”.

“Fushata është ndërmarrë me iniciativë të Ministrit Cakaj dhe nga përfaqësitë diplomatike të Republikës së Shqipërisë që synon rregullimin e çdo pasaktësie të kësaj natyre, duke i shërbyer aksesit sa më të plotë dhe të saktë të emërtesave gjeografike nga qytetarët shqiptarë brenda dhe jashtë vendit, si dhe të huajt që vizitojnë vendin tonë” thuhet në njoftim, citon BW.

Lista: