Vendosni fjalën kyçe....

Përfundon procesi i vlerësimit të kandidatëve në PD, Komisioni i dorëzon Bashës dhe Bardhit listën me 326 emra


Në Partinë Demokratike, Komisioni i Vlerësimit të Kandidatëve ka përfunduar procesin për përzgjedhjen e kandidatëve për zgjedhjet e ardhshme parlamentare dhe vendore.

Procesi i ndarë në tre faza trajtoi 3593 kandidatura të përfunduara dhe hartoi një listë përfundimtare me 326 emra.

Ky komision tashmë i ka dorëzuar këtë listë Sekretarit të Përgjithshëm të PD-së dhe Kryetarit Lulzim Basha.

Njoftimi i plotë:

Komisioni i vlerësimit të Kandidatëve pranë PD-së përmbylli dje procesin për përzgjedhjen e kandidatëve për zgjedhjet e ardhshme parlamentare dhe vendore. Ky proces, i zhvilluar për herë të parë në Shqipëri, është vlerësuar pozitivisht nga anëtarësia e PD-së, opinioni publik dhe mediat. Komisioni e vlerëson procesin në tërësi si një akt emancipues në politikën shqiptare.

Komisioni e ndau punën në 3 faza: nga 03 gusht 2020 deri ne 22 tetor 2020. Pas një pune intensive dhe voluminoze komisioni përfundoi vlerësimin për 3593 kandidatë të propozuar, në një listë përfundimtare prej 326 kandidatësh të propozuar për përfaqësim politik në zgjedhjet e ardhshme politike apo lokale.

Komisioni, i dorëzoi sot Kryetarit dhe Sekretarit të Përgjithshëm të PDSH, listën përfundimtare të kandidatëve për ndjekjen e procedurave të mëtejshme sipas Statutit.

Përfitojmë nga rasti për të falenderuar anëtarësinë për pjesëmarrjen masive në votime, strukturën e PD-së, përfaqësuar në këtë proces përzgjedhjeje nga Sekretariati teknik, si dhe kandidatët e propozuar që ndihmuan realizmin e këtij procesi transparent, qytetar dhe të përgjegjshëm.

 


Leave a Reply

Your email address will not be published. Required fields are marked *