Çekia ka ndaluar udhëtimet për qëllime turizmi pas rritjes së rasteve me Covid-19.
Hotelet nuk e kanë të lejuar që të pranojnë turistë, por vetëm turistë për qëllime biznesi.
Masat e reja kanë bërë që turistët të mos kenë se çfarë të bëjnë në Republikën Çeke.
Kurse kryeministri Andrej Babis ka propozuar lirimin nga detyra të Ministrit të Shëndetësisë Roman Prymula dhe ka emëruar pasuesin për këtë post në një takim me presidentin Milos Zeman.
Kryeministri Babis ka thënë se presidenti ka pranuar vendimin e tij dhe do të takohet me ministrin e ardhshëm të Shëndetësisë të martën.
Kjo erdhi pasi Ministri i Shëndetësisë Roman Prymula u përfshi në një skandal të premten, pasi iu publikuan foto duke u larguar nga një restorant në Pragë i cili do të duhej të ishte i mbyllur shkaku i masave kundër pandemisë Covid-19.
