Policia bjelloruse ka përdorur granatat lotsjellëse për të shpërndarë protestuesit që iu drejtuan rezidencës së presidentit Alexander Lukashenko në Minsk.
Gjatë tubimit të madh anti-qeveritar, të mbajtur në kryeqytet të dielën, pjesëmarrësit u ndeshën me kordone të shumta policie dhe u detyruan t’i anashkalonin ato. Një takim mes palëve u shndërrua në një përballje të nxehtë pasi policia përdori masa të ashpra për të shpërndarë turmën.
Pretendimet e përdorimit të plumbave të gomës kundër protestuesve janë shfaqur në media, ndërsa policia lokale tha se po kontrollonte raportet e ‘të shtënave me armë’ gjatë përleshjeve.
Pamjet që qarkullojnë në internet tregojnë disa shpërthime granatash në mes të një rruge, me protestuesit që largohen nga policët në një zonë banimi.
