Vendosni fjalën kyçe....

Shoqërohet avokati në Lezhë, policia: U konfliktua me një shtetas më pas qëlloi efektivin


Një shtetas me profesion avokat në Lezhë është shoqëruar nga policia.

Në njoftimin e saj, policia thotë se shtetasin Gj.N është shoqëruar pasi mes tij dhe një shtetasi u lajmërua se po ndodhte një konflikt.

68-vjeçari gjatë ndërhyrjes së policisë ka kundërshtuar me dhunë duke goditur me grusht një efektiv.

Më datën 27.10.2020  rreth orës 15:10, në sallën operative të DVP ka ardhur një telefonatë për një konflikt, në afërsi të hotel turizmit Lezhë.

Menjëherë kanë shkuar shërbimet e Policisë në adresën e dhënë, ku kanë konstatuar shtetasin Gj.N.,dhe bashkëshorten e tij shtetasen Sh.M.,me profesion avokat duke u konfliktuar me një shtetas.

Punonjësit e Policisë kanë ndërhyrë për të penguar përshkallëzimin e mëtejshëm të konfliktit, por shtetasi Gj.N., i ka  kundërshtuar me dhunë duke goditur me grusht dhe grisur bluzen njërit prej punonjësve të Policisë.

Shtetasi Gj.N.u shoqerua në Komisariatin e Policisë Lezhë.

Në vijim të veprimeve nga oficeri i  Prokurorisë së Rrethit Gjyqësor Lezhë u bë arrestimi në flagrancë i shtetasit Gj.N.,68 vjeç, banues në Lezhë.

Materialet hetimore i kaluan Prokurorisë së Rrethit Gjyqësor Lezhë, për veprime të mëtejshme për vepren penale “Kundërshtimi me dhunë i punonjësit të rendit publik”-thuhet në njoftimin e policisë.


Leave a Reply

Your email address will not be published. Required fields are marked *