Një ish-bashkëpunëtor biznesi me Hunter Biden ka pohuar se marrëdhënia e familjes Biden me firmat kineze mund të ketë implikime të sigurisë kombëtare, duke përsëritur se ish-zv.presidenti ishte i përfshirë në skemat e fitimit të parave.
Këmbëngulja e Joe Biden që ai të mos ketë njohuri ose lidhje me punët e biznesit të djalit të tij, është një ‘gënjeshtër e qartë’, i tha Tony Bobulinski drejtuesit të Fox News, Tucker Carlson.
Bobulinski doli publikisht javën e kaluar, pasi postat elektronike të botuara nga New York Post jepnin hollësi për një marrëveshje biznesi që përfshinte familjen Biden, Bobulinskin dhe CEFC China Energy, një firmë që dyshohet se ka lidhje me Partinë Komuniste Kineze.
Bobulinski kishte deklaruar më parë se kandidati demokrat për president, i referuar në e-mailin e publikuar si ‘djali i madh’, po merrte një pjesë të majme nga marrëveshja.
Në intervistën e tij me Carlson, ai shtjelloi një takim që ai pati me të nominuarin për president të demokratëve, duke pretenduar se ishte ‘e qartë’ se politikani veteran ishte familjarisht i afërt me ndërmarrjet e biznesit të djalit të tij.
Ai tha se i ishte kërkuar që të takohej me Biden dhe se, duke gjykuar nga biseda e tyre, ai besoi se ai ishte duke u verifikuar nga ish-zv.presidenti para se të ecte përpara me marrëveshjen e tyre.
“Nuk kishte asnjë arsye tjetër që unë të isha në atë takim lokali me Joe Biden sesa të diskutoja se çfarë po bëja në emër të familjes së tij dhe kinezët.” – i tha ai Carlson.
Bobulinski rrëfeu një bisedë të veçantë me vëllain e ish-senatorit të Delaëare, Jim Biden, në të cilin ai pyeti se si familja Biden ishte ‘në gjendje të largohej’ me praktikat e saj të diskutueshme të biznesit.
“Ai më shikoi mua, qeshi pak dhe tha ‘mohim i besueshëm’,” – kujton Bobulinski.
Sipas mendimit të Bobulinski, marrëdhëniet financiare të familjes Biden me Kinën kanë pasoja të mëdha.
“Unë mendoj se Joe Biden dhe familja Biden janë kompromentuar.” – i tha ai Carlson, kur u pyet se si ai mendonte se një administratë e Biden do të merrej me Pekinin nëse i nominuari demokrat fiton Shtëpinë e Bardhë.
