Policia u ka bërë thirrje qytetarëve që të mos mashtrohen nga një mesazh që mund t’u vijë në WhatsApp.
Bëhet fjalë për një mesazh sipas të cilit, personi që e merr është fitues i një shume prej 700 mijë dollarësh amerikanë nga programi i donacionit Covid-19 të WhatsApp 2020.
Sipas policisë, bëhet fjalë për një mashtrim. Qytetarëve do u kërkohen të dhënat personale e në komunikimet e mëtejshme do u kërkohet edhe karta e bankës për të bërë derdhjen e shumës së fituar.
Policia bën thirrje që qytetarët të mos i përgjigjen këtij mesazhi dhe asnjë mesazhi që ka të bëjë me:
- Mesazhi vjen nga një numër i huaj;
- Çmimi i fituar ka të bëjë me një aktivitet të pakryer nga përfituesi i mesazhit;
- Vlerat e fituara (sipas mesazhit) janë të konsiderueshme;
- Kërkimi i të dhënave personale;
- Kërkimi i të dhënave bankare;
- Kërkimi i dokumenteve të identifikimit ose dokumenteve të tjera personale, etj;
Mesazhi
“Urime!!, Numri juaj i telefonit është zgjedhur si fitues i shtatëqind mijë dollarëve të shteteve të bashkuara (700,000.00USD) në programin e donacionit COVID-19 të WhatsApp 2020. Dërgoni referencën tuaj fituese Nr.WH/US-6463457 në email: info@intldraws për më shumë detaje si të tërhiqni fondet tuaja. Kontaktoni info@intldraws për pyetje të mëtejshme. SHËNONI QË KY ËSHTË NJË TEKST KONFIDENCIAL.”
