Qindra studentë u mblodhën sot para Ministrisë së Arsimit, për të kundërshtuar vendimin e qeverisë për nisjen e mësimit në universitete nëpërmjet internetit.
Ata lëshuan akuza të shumta në drejtim të ministres Kushi e qeverisë ndërsa u zotuan se do dalin sërish në protestë ditët e ardhshme. Ata theksuan se e kanë paguar konviktin dhe se nuk kanë ku të shkojnë.
Studentët kërkuan nisjen e mësimit në auditore ndërsa thanë se qeveria ka ndaluar fillimin e mësimit në universitete por lejon takimet elektorale. Në fund ata kanë hequr maskat nga fytyra dhe i kanë varur te gardhi rrethues i Ministrisë së Arsimit.
