Kandidati demokrat Joe Biden ka reaguar pas akuzave të presidentit Donald Trump se ai dhe demokratët po përpiqen të vjedhin zgjedhjet.
Biden shkruan se i takon votuesve që të përcaktojnë fituesin dhe jo atij, e as Trump-it.
Ai thotë gjithashtu se ndihet mirë për rezultatin që ka arritur deri tani.
“Nuk më takon as mua, as Donald Trumpit të shpallim fituesin. U takon votuesve.
Ndihemi mirë për pozicionin ku jemi. Ne besojmë se jemi në rrugën e duhur për të fituar këto zgjedhje”, shkruan Biden.
Trump më herët shkroi në “Twitter” se demokratët po përpiqen të vjedhin Zgjedhjet.
Por këtë postim “Twitter”-i e ka shënuar me një paralajmërim se përmbajtja mund të jetë e rreme.
“Ne jemi shumë lart, por ata po përpiqen të vjedhin zgjedhjet”- shkroi Trump në Twitter pak para orës 01:00 të së mërkurës. “Ne kurrë nuk do t’i lejojmë ta bëjnë. Votat nuk mund të hidhen pasi të mbyllen Votimet!”. Në një postim tjetër ai tha se kishte arritur një fitore të madhe.
