Sasia prej 2.6 tonësh kanabis e kapur në Mal të Zi e që ishte futur nga Shqipëria, është ngarkuar në Lushnjë.
Ka qenë ky përfundimi i hetimeve lidhur me ngarkesën e drogës që u kap në vendin fqinj para pak ditësh.
Lidhur me sasinë e kanabisit janë vënë në pranga Arlind Tabaku e Përparim Shurdhi ndërsa në kërkim është shpallur një tjetër person.
Më herët ishte ndaluar nga policia e Malit të Zi drejtuesi i kamionit, Ervis Çaliku. Kamioni ishte nisur nga Greqia dhe dyshohet se është ngarkuar me drogë në magazinën në pronësi të Përparim Shurdhit e më pas është nisur drejt Maliz të Zi ku është kapur.
