Përkeqësohet gjendja shëndetësore e Myftiut të Shkodrës, Muhamed Sytari, i cili prej ditësh rezulton i prekur me koronavirus.
Ai është nisur këtë të shtunë për mjekim të specializuar në Turqi.
Më herët drejt këtij shteti u dërgua edhe babai i tij, i cili gjithashtu është i prekur nga koronavirusi.
Situata e pandemisë në vend vijon të jetë e përkeqësuar me shifra të larta të të infektuarve që raportohen çdo ditë. Ditën e djeshme Ministria e Shëndetësisë njoftoi se ishin regjistruar 490 raste të reja dhe shtatë vdekje si pasojë e Covidit.
