Mbrojtësi i Kombëtares, Elseid Hysaj, ka humbur sfidën ndaj Bjellorusisë pasi ka rezultuar pozitiv në testin e COVID-19.
Lajmin e ka bërë me dije zyra e shtypit në FSHF e cila thotë se futbollisti është njohur me rezultatin e tamponit gjatë mbrëmjes dhe është karantinuar menjëherë.
Të gjithë lojtarët e tjerë dhe stafi teknik i Kombëtares, të cilët i janë nënshtruar tamponëve sot kanë rezultuar negativë.
Hysaj do ta kryejë karantinën në Shqipëri derisa të rezultojë negativ.
