Presidenti i SHBA-së, Donald Trump, ka lëshuar një urdhër ekzekutiv që ndalon kompanitë ushtarake kineze ‘nga çdo lloj tregtimi me letra me vlerë të SHBA-së, duke thënë se Pekini i ka shfrytëzuar ato për të financuar fuqizimin e tij ushtarak’.
“Republika Popullore e Kinës po shfrytëzon gjithnjë e më shumë kapitalin e Shteteve të Bashkuara për të përdorur burime dhe për të mundësuar zhvillimin dhe modernizimin e aparateve të saj ushtarake, të inteligjencës dhe të tjera të sigurisë, gjë që lejon Pekinin të kërcënojë drejtpërdrejt atdheun e Shteteve të Bashkuara dhe forcat e Shteteve të Bashkuara jashtë vendit.” – tha Trump në urdhrin e lëshuar në fundjavë.
Ai akuzoi Kinën për ‘zhvillimin dhe vendosjen e armëve të shkatërrimit në masë, armëve të përparuara konvencionale dhe veprimeve të dëmshme kibernetike të mundshme kundër Shteteve të Bashkuara dhe popullit të saj’.
Trump urdhëroi një ndalim të plotë të ‘çdo transaksioni në letra me vlerë të tregtuara publikisht, ose ndonjë letër me vlerë që janë derivate të, ose janë të dizajnuara për të siguruar ekspozim të investimeve ndaj letrave me vlerë të tilla’ ndaj kompanive duke filluar nga 11 janari 2021.
