Qendra Tirana Art po zhvillon në disa qytete të Shqipërisë projektin për t’i thënë stop trafikimit të qënieve njerëzore.
Ky projekt që është shtrirë në disa qytete të vendit u zhvillua ditën e sotme në Durrës dhe ka për qëllim ndërgjegjësimin dhe informimin e të rinjve mbi parandalimin e trafikimit të qenieve njerëzore.
Në ditën e parë u zhvillua trajnimi informues mbi shkaqet pasojat dhe kuadrin ligjor të fenomenit të trafikut të qenieve njerëzore.
Në ditën e dytë pjesëmarrësit në trajnim në bazë të njohurive të marra paraqitën punimet e tyre të hedhura në telajo të cilat u ekspozuan në qendër të qytetit.
Drejtuesja e qendrës Tirana Art, Jona Dividi u shpreh se 25 punimet e paraqitura japin mesazh kuptimplotë sensibilizimi për t’i thënë stop trafikut të qenieve njerëzore.
