Ish-deputeti i PD-së Xhemal Gjunkshi ka publikuar një video nga Dibra dhe thotë se ministrja e Mbrojtjes Olta Xhaçka përdor helikopterin e dikasterit që drejton për të shkuar për të bërë fushatë në qytetin verior.
Sipas Gjunkshit, ministrja harxhon 10 mijë euro çdo javë nga taksat e shqiptarëve për të shkuar me helikopter në Peshkopi për fushatë elektorale. Dhe e gjitha kjo në një kohë të vështirë për vendin kur këto para mund të përdoreshin për t’u ardhur në ndihmë qytetarëve.
“Minisitrja e Mbrojtjes Olta Xhaçka u zhvat shqiptarëve 10 mijë euro çdo javë, që të vijë me helikopter në Peshkopi për fushatë elektorale. Në vend që paratë të shpenzohen për të ndihmuar njerëzit në këtë kohë të vështirë, Olta Xhaçka përdor helikopterin e Ministrisë së Mbrojtjes për fushatën e PS në Dibër.
10 mijë euro çdo javë, prej gati një viti do të thotë që vetëm Olta Xhaka, për interesa pricatë partiakë, ka shpenzuar gati gjysëm milioni euro nga paratë e qytetarëve.
Është një shpërdorim skandaloz, që revolton çdo qytetar, i cili harxhon 100 mijë lekë për tamponin në privat, që blen vetë bombolën e oksigjenit, që rri me frikë në zemër, se nuk ka ku të perplaset.
Shpenzimet marramendëse të Olta Xhaçkës, që për punë partie përdor helikopterin si taksi private, revoltojnë çdo biznes që vuan mungesën e mbështetjes nga kjo qeveri.
Na kushton më lirë t’i largojmë këta njerëz të pashpirt dhe të pafytyrë, që tallen dhe vjedhin qytetarët.”– shkruan Gjunkshi krahas videos.
