Presidenti i vendit Ilir Meta ka qenë sot i pranishëm në ceremoninë e organizuar me rastin e 111-vjetorit të Kongresit të Dibrës.
Ndërsa e quan këtë një ngjarje madhore që i parapriu Pavarësisë së Shqipërisë, Meta përmend sfidën më të madhe që sipas tij që ka sot vendi ynë.
Presidenti thotë se sfida më e madhe që ka sot Shqipëria, është që të dëshmohet patriotizmi i vërtetë dhe respektimi i të parëve tanë duke mbajtur të rinjtë në vend,
“Nder i veçantë të merrja pjesë në akademinë solemne të organizuar me rastin e 111-vjetorit të Kongresit të Dibrës, kësaj ngjarjeje madhore, që i parapriu Pavarësisë së Shqipërisë.
Sfida më e madhe që kemi sot dhe gjithçka duhet të bëjmë, për të dëshmuar patriotizmin e vërtetë dhe respektimin e të parëve tanë, është të mbajmë të rinjtë në këto troje duke i edukuar me vlerat më të mira kombëtare.
T’ju rikthejmë shpresën dhe t’ju krijojmë të gjitha mundësitë për t’u punësuar dhe për të ndërtuar të ardhmen e sigurtë dhe europiane në vendlindjen e tyre.
Do t’ia dalim me sukses sepse nuk kemi rrugë tjetër. 🇦🇱”, shkruan Meta.
