Ministri i Mbrojtjes i Turqisë, Hulusi Akar, ka thënë se vendi i tij është i gatshëm për një dialog gjithëpërfshirës me Greqinë ‘për të gjitha mosmarrëveshjet e pazgjidhura’ në Egje dhe Mesdheun Lindor, ‘pa parakushte’.
Duke folur në Forumin Ndërkombëtar të Sigurisë nw Halifax, të cilit ai u bashkua përmes një lidhje video nga Ministria e Mbrojtjes në Ankara, Akar tha se në zemër të problemeve qëndrojnë objektivat irredentiste të politikës së jashtme të Greqisë dhe Qipros të cilat ‘shkelin të drejtat sovrane të Turqisë dhe Qipros turke’.
Akar e kritikoi Greqinë për pretendimin e shkeljes së marrëveshjeve mbi statusin e çmilitarizuar të ishujve të saj të Egjeut afër bregdetit turk, ndërsa akuzoi Athinwn zyrtare për pretendimin e një brezi 6 milje të detit territorial dhe një kolonë 10 miljesh të hapësirës ajrore.
“Kjo qasje është ekskluzive për Greqinë. Nuk ka asnjë shembull tjetër të tillë. Kjo është ajo ku Greqia bazon pretendimet e saj mbi shkeljet e pretenduara të hapësirës ajrore nga avionët turq.” – tha Akar.
“Pretendime të tilla nuk janë as reale, as të drejta, as të pranueshme.” – shtoi Akar.
