Një raport i ri nga Akademia Kineze e Studimeve të Hapësirës Kibernetike tregoi që ekonomia dixhitale e vendit arriti në 35.8 trilionë juanë (5.45 trilionë dollarë) vitin e kaluar, duke përbërë 36.2 përqind të PBB-së totale të vendit.
Raporti konfirmon se pandemia Covid-19 ka nënvizuar rëndësinë e internetit, ndërsa ekonomia dixhitale është bërë një forcë e rëndësishme në zbutjen e ndikimit të koronavirusit, riformësimin e ekonomisë dhe përmirësimin e aftësive të qeverisjes.
Sipas hulumtimit të cituar në raport, deri në fund të majit rrjeti me fibra optike të Kinës kishte mbuluar të gjitha zonat urbane dhe rurale, me numrin e pajtimtarëve me fibra optike që llogariten për 93.1 përqind të përdoruesve të brezit fiks të vendit, më e larta botë.
Në vitin 2019, kishte 5.44 milionë stacione bazë 4G në Kinë dhe konsumi i trafikut të të dhënave mobile arriti në 122 miliardë GB, duke u renditur i pari në botë. Që nga shtatori i vitit 2020, Kina kishte ndërtuar më shumë se 480,000 stacione bazë 5G.
Transaksionet e tregtisë elektronike të vendit arritën 34.81 trilion juanë (5.2 trilionë dollarë) vitin e kaluar, me 6.7 përqind nga viti në vit.
