Forcat e Mbrojtjes së Izraelit (IDF) po përgatiten për një sulm të mundshëm të Shteteve të Bashkuara mbi Iranin para sep Presidenti Donald Trump të largohet nga zyra, duke parë periudhën e tij të tranzicionit si një kohë ‘shumë të ndjeshme’, sipas disa raporteve të fundit.
Qeveria izraelite ka udhëzuar IDF-në të hartojë plane në rast se Trump urdhëron një sulm paraprak ndaj Iranit, që mund të synojë potencialisht infrastrukturën bërthamore të vendit, njoftoi gazetari Barak Ravid në Axios të mërkurën, duke cituar zyrtarë të lartë anonimë në Tel Aviv.
Përgatitjet janë të lidhura jo vetëm me goditjen e mundshme në vetvete, por me hakmarrjen që mund të provokojë nga Irani, i cili mund të përgjigjet duke përdorur mercenarët e vendosur në të gjithë Sirinë, Libanin dhe Rripin e Gazës, thanë zyrtarët për Ravid.
Sidoqoftë, gazetari vuri në dukje se planet nuk ishin rezultat i ndonjë inteligjence specifike që tregonte se një sulm i tillë ishte urdhëruar.
Raporti vjen vetëm disa ditë pasi Kanali 13 i Izraelit deklaroi në mënyrë të ngjashme se Uashingtoni dhe Tel Avivi planifikojnë të rrisin ‘operacionet e fshehta’ kundër Teheranit në ditët e fundit të mandatit të Trump, megjithëse media nuk ofroi hollësi mbi mënyrën.
