Ndahet nga jeta një tjetër mjek si pasojë e Covidit dhe pasojave të shkaktuara prej tij.
Mësohet se mjeku nga Kavaja Hidajet Deda është ndarë nga jeta në moshën 67- vjeçare, pasi kishte më shumë se 40 ditë që vuante nga koronavirusi.
Lajmin e hidhur e konfirmoi Shoqata e Infermierëve të Shqipërisë.
“Sot është ndarë nga jeta në moshën 67-vjeçare mjeku pediatër nga Kavaja, Hidajet Deda.
Mjeku Hidajet Deda kishte më shumë se 40 ditë që vuante nga koronavirusi.
Shoqata e Infermiereve i shpreh ngushellime familjes dhe miqve te tij.”- thuhet në njoftim.
Ai kishte dalë negativ mirëpo pavarësisht kësaj ndodhej në një spital privat prej 20 ditësh ku po trajtohej me oksigjen për shkak të pasojave të rënda që i kishte shkaktuar koronavirusi.
Hidajet Deda ishte në pension por për shkak të nevojës së spitalit të Kavajës për mjek, ai ishte rikthyer në shërbim të pacientëve.
