Të paktën dy persona u vranë dhe disa të tjerë u plagosën në një incident në qytetin gjerman Trier, pasi një makinë çau përmes një zone për këmbësorë të martën pasdite.
Autoritetet i kanë kërkuar publikut të shmangë zonën ndërsa po kryejnë hetime mbi incidentin ndërsa kanë vendosur një kordon sigurie.
“Ne kemi arrestuar një person, një automjet është sekuestruar. Dy njerëz kanë vdekur, sipas indikacioneve paraprake. Ju lutemi vazhdoni të shmangni zonën në qendër të qytetit.” – shkroi policia e Trier në rrjetet sociale.
Drejtuesi i automjetit është një 51 vjeçar nga zona e Trierit. Ai është ndaluar nga policia por rrethanat e sakta të incidentit ende nuk janë përcaktuar.
Media gjermane po raporton se, së bashku me dy fatalitetet, deri në 15 persona pësuan lëndime gjatë incidentit. Motivi i ngjarjes nuk dihet ende.
