L’uscita degli studenti di scuola media dell’I.C.S. Cardarelli Massaua a Milano durante l’emergenza per il coronavirus, 30 novembre 2020. ANSA/Mourad Balti Touati
Një ditë më parë kryeministri Italian Giusseppe Conte prezantoi dekretin e ri me masat kufizuese për festat e fundvitit.
Ansa.it, shkruan se risia e dekretit të kryeministrit Conte është kthimi në shkollës nga 7 janari, 100% për ciklin fillor, 75% për shkollat e mesme.
Ndryshimi zhvillimin e mësimit në klasë, u prezantua me kërkesë të Ministres së Arsimit, Lucia Azzolina. Prandaj bie hipoteza e një kthimi në shkollë para pushimeve të Krishtlindjeve.
MASAT E TJERA:
Udhëtimi mes rajoneve – Ndalohen udhëtimet mes rajoneve nga data 21 dhjetor deri më 6 janar, përveç në rastet e punës, nevojave shëndetësore dhe kthimit në vendbanim ose shtëpi.
Lëvizjet mes Komunave – janë të ndaluara nga Dita e Krishtlindjeve deri në ditën e Vitit të Ri, respektivisht nga 25 dhjetori deri më 1 janar. Kufizimi i lëvizjes së qytetarëve nga ora 22:00 deri në orën 05:00 do të vazhdojë të zbatohet deri më 6 janar. Por në ditën e Vitit të Ri do jetë nga ora 22:00 deri në orën 07:00.
Zhvendosjet në shtëpitë e dyta – Mund të arrihet nëse është në të njëjtin Rajon, përveç në datat 25 dhe 26 Dhjetor dhe më 1 Janar, kur janë të ndaluara edhe udhëtimet jashtë komunës.
Blerjet – Dyqanet do të qëndrojnë të hapura çdo ditë deri në orën 21:00 për të zbutur praninë e blerësve në më shumë orë të ditës. Qendrat tregtare do të mbyllen gjatë fundjavave.
Restorantet – Ato do të jenë gjithmonë të hapura për drekë, madje edhe në diten e Krishtlindjes, Natën e Vitit të Ri, por jo më shumë se katër persona mund të ulen në tryezë. Shërbimi në shtëpi dhe marrja me vete mbetet deri në orën 10.00. Baret do të jenë të hapura nga ora 5 e mëngjesit deri në ora 6 pasdite në zonat e verdha.
Dreka dhe darka e Krishtlindjes – Rekomandohet të festoni vetëm me anëtarët e familjes që jetojnë së bashku.
Mbrëmja e Vitit të Ri – Në 1 Janar, shtetrrethimi do të zgjasë deri në 7 të mëngjesit dhe jo deri në 5.
Hotelet – Hotelet mund të qëndrojnë të hapura, por restorantet brenda tyre do të mbyllen në naten e Vitit të Ri.
Do të jetë e mundur të kaloni natën e Vitit të Ri vetëm në dhomë, duke porositur darkën aty.
Skitë – Objektet e skive do të mbyllen deri më 6 janar.
Kroçerat – Ata pezullohen nga 21 Dhjetor deri më 6 Janar.
Udhëtimet – Pas një udhëtimi jashtë vendit, karantina mbetet e detyruar për 14 ditë pas kthimit.
Meshat– Shërbesat fetare natën e 24 Dhjetorit do të mbahen në kohë për të lejuar besimtarët të kthehen në shtëpi para orës policore. Për më tepër, do të mbahen më shumë mesha për Krishtlindjet për të ulur praninë e besimtarëve në të njëjtën meshë dhe për të shmangur mbledhjet.
Sportet – Deri më 15 janar do të mbahen vetëm ndeshje dhe gara të “nivelit të lartë”. Aktiviteti individual sportiv dhe aktiviteti motorik mbetet i lejuar, duke ruajtur distancën.
Kinematë dhe teatrot – Ato do të mbyllen për të gjitha festat.
