Presidenti amerikan Donald Trump ka bërë presion ndaj guvernatorit republikan të Xhorxhias për të ndihmuar përmbysjen e fitores së zgjedhjeve të Joe Biden në këtë shtet.
Në një seri Twitter-ash, ai nxiti guvernatorin Brian Kemp të thërriste një seancë të posaçme të legjislaturës së shtetit.
Ajo erdhi para se zoti Trump të merrte pjesë në një tubim fushate në Xhorixhia për zgjedhjet e ardhshme të balotazhit të Senatit.
Presidenti ende nuk pranon humbjen dhe pretendon, se fitorja e Biden ishte për shkak të mashtrimit.
Ai ka nisur sfida ligjore në disa shtete, por deri më tani pothuajse të gjitha kanë dështuar.
Xhorxhia ishte një shtet kryesor betejë në zgjedhje dhe fitorja e ngushtë e Joe Biden – hera e parë që shteti kishte votuar demokrat që nga viti 1992 – ndihmoi për të vulosur fitoren e tij.
Tani është fokusi i një beteje të fortë politike për kontrollin e Senatit. Nëse demokratët fitojnë dy zgjedhjet e balotazhit të janarit atje, republikanët do të humbnin kontrollin e dhomës së sipërme.
Biden fitoi zgjedhjet presidenciale me 306 vota në kolegjin elektoral – sistemin që SHBA përdor për të zgjedhur një president – me 232. të Trump. Kolegji do të mblidhet në 14 Dhjetor për të zyrtarizuar rezultatin.
