Forcat iraniane të sigurisë thonë se kanë identifikuar disa nga ata që janë përfshirë në vrasjen e muajit të kaluar të shkencëtarit më të lartë bërthamor të vendit dhe një numër i të dyshuarve tashmë janë arrestuar, ka raportuar një media shtetërore.
Njerëzit që qëndrojnë pas vrasjes së fizikantit bërthamor Mohsen Fakhrizadeh ‘janë identifikuar dhe ata patjetër do të marrin një përgjigje shembullore’, tha një zyrtar i lartë iranian në një intervistë të botuar nga ISNA.
Ai nuk identifikoi të dyshuarit por tha se një pjesë e tyre janë arrestuar, duke shtuar se shumica e hollësive nuk do të publikohen derisa të përfundojë hetimi.
Fakhrizadeh po udhëtonte për në Absard, në lindje të Teheranit, më 27 nëntor kur autokolona e tij u zu në pritë.
Qeveria e Iranit ka fajësuar Izraelin për incidentin dhe Garda Revolucionare Islamike (IRGC) ka thënë se për vrasjen u përdorën pajisje të kontrolluara nga sateliti. Një raport i mëparshëm nga Teherani tha se Fakhrizadeh u vra me një mitraloz të drejtuar nga distanca.
